Cemiloglu: "Yanukoviçnen körüşüvmev prensip meselesi"

Ökten afta qısqa bir ziyaret için Türkiyege kelgen Qırım tatar Milli Meclisi reisi ve Ukrayna Yuqarı Radası azası Mustafa A Qırımoglu (M Cemilev) 3 avgustta Yanukoviçnen olgan körüşüvge Milli Meclis olaraq iştiraq etmemelerinin sebebin prensibiyal olganın bildirdi.

Ökten afta Pazar künü İstanbulda Bengütürk adlı televizyada primoy kösterilgen Aybalanın dilek agacı adlı programmada Milliy Meclis reisi 2 saatke yaqın çeşit suallerni cevaplandırdı.
Yanukoviçni Ukraynanın resmiy, saylangan prezidenti olaraq kabul etkenlerin, Yanukoviçni protest etmegenlerin aytqan QTMM resi Mustafa A Qırımoglu, Qırım Tatar halqının birligin bozgan, birkaç adamdan meydanga kelgen teşkilatlarnen Qırım Tatar Halkının temsilcileri adınen bir sırada olmalarını mümkün olmağanın, buga Qırım Tatar halkının iç bir zaman razılıq bermeycegin ayttı. Biz Ukrayna prezidentinin stabına böyle iştirakçilernen böyle bir toplantının olmaması kerekligin ve sebeplerin çoq anlatmaga tırıştıq lakin olar neçündür anlamadılar ya da anlamamazlıqtan keldiler. Degen ve Ukrayna Prezidenti istegen adamlarnen körüşebilecegin lakin olarnen ayrı toplaşuvlarda bunun olabilecegin qaydetken Milliy Meclis reisi, Qırımda 200 den fazla Qırım tatar teşkilatı bar olar çağırılmay bunday bozgunculuq yapqan adamlar davet etile bunu anlap olamaymız dedi.

ANQARA ŞEERİNDE QIRIM TATAR MEDENİYETİ TANIŞ ETİLE

Anqara şeeri merkezindeki idarelerden birevi olgan Keçiören Belediyesi'nin ekinci kere tertiplegeni milletlerara Ramazan ayı faaliyetlerinde ötken sene oğlanı kibi bu senede Qırım Türkleri medeniyet ve yardımlaşuv cemiyeti umummerkezi aktif olaraq iştirak ete. Ramazan ayının ilk on künü boyunca (11 avgusttan başlap -20 Avgustqa qadar Keçiören belidiyesinin festival yerindeki Qırım Tatar Evi'nde kitaplar, Qırımnı tanış etici broşürler, fotoresimler muzıkalar gibi materyaller kösterile. İftardan son yapılğan şenliklerde Cemiyetin Qırım tatar halq oyunları gruppası ve Anqara Kaytarma gruppası Qırım Tatar halq oyun ve yırların seyircilerge kösterecekler.
Kene Ankara Keçiören belidyesinin ramazan ayı şenlikleri içinde 19 avgust akşamı Qırım tatarlarının belli sanatçıları Afize Kasara ve Dilaver Osman da bir konsert berecekler… Afize Kasara ve Dilaver Osman Qırım Tatar cemiyetleri umum merkezinin davetlisi olaraq Ankarada olacaqlar.

ROMANYADA BİR QIRIM TATAR VALİ YARDIMCISI

Romanya hükümeti, ötken ay içerisinde Aydun Curtmola adlı bir Qırım Tatarnı, Kırım Tatarlarının çok olganı Köstence vilayeti vali yardımcılığı vazifesine tayin etti. Aydun Curtmola ötken ay Köstencede yapılğan merasimnen Vali Yardımcılığı vazifesin eski yardımcıdan devr alıp vazifesine başladı. Merasimge Romanya parlamentosunda deputat oğlan Aladin Amet, Romanya Müsülman tatar Türkleri Demokratik birligi yetkilileri ve başka misafirler iştirak etti.
Romanyada etnik milletler idaresinin birinci yardımcısıda Nejat Sali oğlan edi. Nejat sali endi Qırımda da yahşı tanılğan bir adam. Emen ersene 18 mayıs mitingleri içün Qırımga kele. Nejat sali taa evelde Romanya parlamentosunda deputat olup işlegen edi.

BATI ALMANYA QIRIM TATAR CEMİYETİ BAYRAMLAŞMASI

Almanyada eneksi Qırım Tatar teşkilatı olgan Batı Almanya Qırım tatar cemiyetie bu seneki Ramaza ayı bayramlaşma merasiminin 11 sentiyabir künü Augsburg şeeri yakınlarındakqı Lanweidforestteki sport zaalinda keçirilegcegin ilan etti ve Almanyanın çeşit yererindeki Qırımtatarların davet etti.