Төркиядә тагын 18 офицер кулга алынды
26.02.2010
Төркия полициясенең 2003 елда түнтәрелеш әзерләүдә шикләнелүче тагын 18 офицерны кулга алуы хәбәр ителә.
Аларның 17-се хезмәттәге, берсе пенсиядәге офицер булуы әйтелә.
Соңгы көннәрдә мондый гаепләү белән кулга алынган офицерлар саны инде 67-гә җитте.
Премьер-министр Рәҗәп Таййип Эрдоган “беркем дә кануннан өстен түгел” һәм демократиягә каршы сүз берләштергәннәрнең барысы да хөкемгә тартылачак диде.