Hindstanda ülgännär sanı 123
03.08.2008
Yaña Dähli - Hindistannıñ tönyağında Himaçal Pradäş wilayätendäge Naina Devi isemle hindu ğıybädätxanäsendä çıqqan ığı-zıgıda 123 keşeneñ hälaq buluı xäbär itelä.
Polisiä xezmätkärläre hindu ğıybädätxanäse kereşendäge tar yulda timer räşätkälärneñ awıunnan soñ, keşelärneñ tirä yaqqa qaça başlawı, keşelär uqmaşıp ğıybadät itkän binada zur ıgı-zığıga kiterde dip belderde.
Iğı-zığıda ülgännär arasında 30 bala da bulğan.
Naina Devi ğıybädätxanäse Himalaya tawlarına 160 çaqrım yıraqlıqta urnaşqan.
Hindularnıñ 9 kön däwam itkän dini bäyräme Şravan Navratasqa 50 mennäñ artıq keşeneñ qatnaşuı xäbär itelä.