“Уникс” җиңелсә дә алга атлады

"Сайлау" исемле күнегү уеныннан видеорепортаж

Сишәмбедә татар җәмәгатьчелеге Галиәсгар Камал исемендәге татар дәүләт академия театры мөдире Шамил Закировны соңгы юлга озатты. Хушлашу мөрәсиме театрның зур сәхнәсендә узды. Мәрхүм белән хушлашырга килүчеләр залга сыймады, шуңа күрә чара фойедагы зур экранда күрсәтелде. Шамил Закиров яңа татар бистәсендәге татар зиратында җирләде.

28 февральдә Галиәсгар Камал исемендәге татар дәүләт академия театрында татар җәмәгатьчелеге узган якшәмбе көнне вафат булган театр мөдире Шамил Закиров белән хушлашты. Шамил Абдюшев фотолары.

27 февральдә Әстерханда газ шартлап йорт ишелү нәтиҗәсендә кимендә сигез кеше һәлак булды, 12 кеше җәрәхәтләр алды. Тагын берничә кешенең язмышы әлегә билгесез.

26 февральдә Истанбулда 100 меңгә якын кеше Хoҗалы фаҗигасенең 20 еллыгын билгеләде. 1992 елда Таулы Карабах җирлегендә әрмән гаскәре тарафыннан юк ителгән сивил aзәрбайҗаннарны төрле төрки милләт вәкилләре искә алды.

Иран язучысы һәм режиссер Әсгәр Фәрхәдинең «Аерылышу» фильмы чит телдәге иң яхшы фильм дип табылды. Яхшырак тормыш эзләп Ираннан күчәргә теләгән бер гаилә драмасын чагылдырган фильм Оскар бүләген алган беренче Иран киносы булды.

26 февраль якшәмбе көнне Казанда уенчыклар катнашында нанопикет узды. "Уенчыклар да гадел сайлауларны яклый" исемле чараны Казанның ватандашлар берлеге һәм "Җәмәгать активистлары" исемле оешмалар оештырды.

26 февраль якшәмбе көнне Мәскәүдә "Ак боҗра" дип аталган каршылык чарасы үтте. Протест белдерүчеләр кулга кул тотынышып Мәскәүнең Садовое боҗрасы буйлар тезелеп басты.

26 февраль якшәмбе көнне Мәскәүдә "Ак боҗра" дип аталган каршылык чарасы үтте. Протест белдерүчеләр кулга кул тотынышып Мәскәүнең Садовое боҗрасы буйлар тезелеп басты.

Мәскәүдәге Француз хорында президент сайлау турында фикер белешү илдәге буыннар аермасын чагылдыра. Александр Кулыгин видеоязмасы.

Татар эстрадасына яшәү белән үлем арасында калган кеше турында җыр белән килеп кергән автор-башкаручы Илназ Гарипов репертуарын үзгәртә. Ул фәлсәфи җырларга өстенлек бирә башлаган. Якын арада “Дулкыннарга каршы” исемле яңа альбомын чыгарырга җыена. Татар җырчылары арасында Илназлар күп булса да, Арча районы Хәсәншәех авылы егете Илназ Гарипов башкаларга охшамаган. Популяр музыка сәнгате вәкилләре альтернатив башкаручылардан читләшсә, Илназ, киресенчә, алар белән дуслык күпере кора.

23 февральдә Бакый Урманче тууга 115 ел тулды. Бу уңайдан Казанда “Хәзинә” милли сәнгать галереясында мәшһүр рәссамның рәсем сәнгате, графика, скульптура, театраль-декоратив сәнгать әсәрләреннән торган күргәзмәсе ачылды. Бу рәсемнәр Казан һәм Мәскәүнең төрле фондларында, шәхси архивларда саклана. Бакый аганың шәкерте рәссам-каллиграф Нәҗип Нәккаш остазы турында хәтирәләре белән уртаклашты.

22 февраль Казанда Татарстан-Төркия сәүдә-инвестиция мебель форумы узды. Татар эшмәкәрләренә ярдәм итү берләшмәсе рәисе Фәрит Уразаев сүзләренчә, төрек эшмәкәрләренең Татарстанга килүе татар эшмәкәрләренә дә файдага булачак.

Түбән Тагилдагы Урал вагон төзү берләшмәсе эшчеләре Путинны якларга дип Мәскәүгә килгән. 23 февраль 2012

23 февральдә Казанның “Кояшлы шәһәр” бистәсендә Татарстан президенты Рөстәм Миңнеханов катнашында “Көнбагыш” балалар бакчасы ачылды. Бу чарада республиканың эчке эшләр министры Әсгать Сәфәров, мәгариф һәм фән министры Альберт Гыйлметдинов, “Кояшлы шәһәр” җәмгыяте башлыгы Ильяс Дивеев, “Ак барс банкы” җәмгыятенең директорлар шурасы рәисе Роберт Мусин һәм эчке эшләр идарәсе хезмәткәрләре булды. Балалар бакчасын ачканнан соң Рөстәм Миңнеханов хокук сакчыларын 23 февраль бәйрәме белән котлады һәм 54 полиция хезмәткәренә яңа фатир ачкычлары өләште. Әлеге төзелешләрне “Ак барс Строй” оешмасы башкарган иде. Фатирлар полициягә бушлай бирелде.

23 февраль көнне Мәскәүнең Лужники стадионында Русия президенлыгына намзәт Владимир Путинны яклау җыенында йөз меңләп кеше катнашкан диелә. 4 мартта үтәчәк президент сайлауда Путин җиңәр дип көтелә.

23 февраль көнне Мәскәүнең Лужники стадионында Русия президенлыгына намзәт Владимир Путинны яклау җыенында йөз меңләп кеше катнашкан диелә. 4 мартта үтәчәк президент сайлауда Путин җиңәр дип көтелә.

Чыгышы белән Буадан булган Сергей Косоруков 20 елга якын төрмәдә утырган. Үзе әйтүенчә, аның бөтен туганнары үлеп беткән, йортлары янган, шуңа ул хәзер канализация чокырында яшәргә мәҗбүр. Эшнең дә җиңелен эзли. Авыр эш ярамый, мин инвалид ди ул. Казанда мондый йортсызлар бихисап. Казан кирмәне астында исеме билгесез бер бай һәр көн аларга ашарга китертә. Мондый мәрхәмәтле кешеләр булмаса, кышкы суыкларда без күптән туңып үлгән булыр идек ди Сергей. "Азатлык" радиосы Казан сукбайлары тормышын күрсәтә.

"Азатлык" татар яшьләре берлеге 21 февраль Халыкара Ана теле көне алдыннан якшәмбедә Казанның Тукай һәйкәле янында пикет уздырды.

19 февральдә Русиянең 30дан артык шәһәрендә “Гадел сайлаулар өчен” протест кампаниясе кысаларында машина йөрешләре узды. Мәскәүдә “Ак урамнар” чарасында оппозиция вәкилләре Илья Яшин, Борис Немцов, Сергей Митрохин катнашкан. Кайбер үзәк урамнарда эчке эшләр министрлыгы хезмәткәрләре юлларны ябу сәбәпле, хәрәкәт авырлашкан.

Казанда Төркиянең консуллык бинасында Татарстан рәссамы Григорий Әйдиновның “Төркия белән очрашу” дип аталган күргәзмәсе ачылды.

“Алтын Казан” рок-операсын язып танылу алган яшь композитор Эльмир Низамов татар классик музыкасына тиешле игътибар бирелүен тели. Ульян шәһәреннән күчеп килгән егет киләчәген Казан белән бәйләмәкче.

Укучыбыз Равил Сафин иске китаплардан эзләп, татарның урта диалектында сөйләшүчеләре, шулай ук Урал, Себер, Бардым татарлары, мишәр, керәшен, чуваш, кумык казакъ һәм башка төрки асыллы кабиләләрнең фольклорында актарынып һәм узара әңгәмәләшүләр уздырып торгызган борынгы татар дәверлеге.

15 февральдә Иран белгечләре Тәһрандагы атом реакторына Иранның үзендә җитештерелгән беренче ягулык таягын төшерде. Чарада Иран президенты Мәхмүт Әхмәдинеҗат катнашты. AP, IRINN видеосы

15 февральдә Казанда Совет гаскәрләрен Әфганстаннан чыгару көнен билгеләп үттеләр. Меңгә якын кеше катнашкан чара һәр елдагыча Казансу буендагы һәйкәл янында үтте.

Казанда 20 градус суык булуга карамастан 12 февральдә "Лыжня России" ярышында меңнәрчә кеше катнашты. 2013 метрга VIP-узышта быел да Татарстанның юл хәрәкәте иминлеге идарәсе башлыгы Рифкать Миңнеханов җиңде.

10 февраль көнне Казан федераль университетында түләүсез татар теле курсларының беренче дәресләре башланып китте.

Кукмара хатын-кызлары Татарстан президенты Рөстәм Миңнеханов килер алдыннан 30 дәрәҗә салкында урам коймасын юа. [kykmor.ru видеосы]

Татарстан мәгариф министрлыгы быелның февраль аеннан башлап балалар бакчасында дәүләт телләрен өйрәнүгә яңа тәртип кертә. Аның нигезендә 7 яшенә җиткәндә татар баласы ким дигәндә 65 урыс сүзе, ә урыс баласы 65 татар сүзен белергә тиеш. Казанның 316нчы балалар бакчасында бу програмны түземсезлек белән көтәләр, чөнки аның нигезендә балаларны мультимедиа аша телгә өйрәтү каралган. “Азатлык” хәбәрчесе Гадел Галәметдин бу балалар бакчасында булып кайтты.

4 февральдә Мәскәүдә Владимир Путинны яклап митингка чыгучыларның кайберләре үзләренә акча вәгъдә ителеп тә бирелмәгәнлеген әйтә.

Әле Татарстан премьер-министры булган чагында ук кайбер рәсми җыелышларга галстуксыз, уңайлы свитер белән йөргән Рөстәм Миңнеханов бу салкын көннәрдә Универсиада төзелешләрен карарга киез итек киеп килде. Twitterда ул аларның Кукмара итекләре булуын язды.

Казандагы халык сәнгате һөнәрләре лицеена игътибар арта. Бер яктан укырга керергә теләүчеләр күп булса, икенче яктан Универсиада кунакларына милли сувенирлар, кулдан эшләнгән бүләкләр кирәк.

Салкын кыш һәм күп кар явудан Русия генә түгел, Көнчыгыш һәм Үзәк Европа да, Үзәк һәм Көньяк Азия дә интегә. Польшада туңып һәм өшеп үлүчеләр саны 62-гә җитте. Украинада 131 кеше үлгән. Рәсмиләр әйтүенчә, Чехиядә салкын һава 18 кешенең үлеменә сәбәп булган. Һава температурасы -30 дәрәҗәдән түбән төшкән Литвада 17 кеше үлгән. Босния һәм Сербиядә күп кар явып тарнспорт хәрәкәтен туктатты.

4 февраль шимбә көнне Казанда -20 градус салкын булуга карамастан, “Гадел сайлаулар өчен” дигән шигарь астында узган урам җыенына 800гә якын кеше җыелды.

4 февраль көнне Мәскәүдә һәм Русиянең башка шәһәрләрендә "Гадел сайлаулар өчен" дигән гомум исем белән урам җыеннары үтә.

4 февраль көнне Мәскәүдә һәм Русиянең башка шәһәрләрендә "Гадел сайлаулар өчен" дигән гомум исем белән урам җыеннары үтә. Мәскәүдәге йөрештә меңнәрчә кеше катнашты.

Путинга каршы җыр чыгарган десантчылар төркеме 4 февраль каршылык чарасына әзерләнә. Безнең хәбәрчебез аларның репетициясендә булып кайтты.

Мисырның Порт-Сәет шәһәрендә футбол җанатарлары оештырган чуалышлар нәтиҗәсендә 74 кеше һәлак булды. Хакимиятләр өч көнлек матәм игълан итте. AP видеосы